O Concello de Alfoz pertence á provincia de Lugo, estando situado na Comarca da Mariña Central.
Limita ó norte cos concellos de Foz e O Valadouro , ó sur con Abadín , ó leste con Mondoñedo e ó oeste con Abadín  e O Valadouro .
O emblema do concello, declarado Ben de Interese Cultural (BIC) é o Castelo de Castrodouro; con todo o valor patrimonial de Alfoz vai moito máis alá. A situación do municipio entre o mar e a montaña fan da beleza da súa paisaxe e a súa natureza algo incomparable. Ademais, o municipio é atravesado polo Río Ouro, o que enriquece aínda máis a variedade de flora e fauna en todo o territorio.
Así os espazos naturais resultan de gran importancia, a destacar a sucesión de saltos de auga cunha altura de 70 metros na Fervenza do Escouridal ou o propio Río Ouro ó longo dos seus 30 km de percorrido (entre Valadouro, Alfoz e Foz), declarado Lugar de Importancia Comunitaria (LIC) dentro da Rede Natura 2000.
Conserva ademais importantes monumentos megalíticos como a Pena Abaladoira e restos da cultura castrexa diseminados por diversas parroquias.
Entre as 9 parroquias que forman o concello repártense numerosas Igrexas, Pazos e Cruceiros que fan rico e variado o patrimonio artístico e cultural de Alfoz.
A Ruta dá Pena Abaladoira, a Ruta dos Castelos e a Ruta do Río Ouro son unha maneira de aproximarse ós elementos máis importantes do extenso e rico patrimonio artístico e cultural e á beleza da paisaxe e a natureza do Concello de Alfoz.

-MERCADO MEDIEVAL: Terceiro fin de semana de Xullo.

-FESTA DE SAN CRISTOBAL (San Pedro de Mor): Primeiro fin de semana do mes de Agosto.

-FESTA DA MALLA (Finca Galea): 15 de Agosto.

-FESTA DE SAN SEBASTIÁN DE CARBALLIDO: 20 de Xaneiro.

-FESTA DE SAN VICENTE EN LAGOA (FESTA DOS CALLOS): 22 de Xaneiro.

-FESTA DE SAN ANTONIO EN BACOI E CARBALLIDO: 13 de Xuño.

-FESTA DE SAN PEDRO DE MOR: 29 de Xuño.

-FESTA DE NOSA SEÑORA DO CARME EN MOR E AS OIRAS: 16 de Xullo

-FESTA DE SANTIAGO APOSTOL EN LAGOA: 25 de xullo.

-FESTA DE SAN ANTONIO EN ADELÁN: Primeiro domingo despois do 25 de Xullo.

-FESTA DE SAN SALVADOR NO CASTRO DE OURO: 6 de Agosto.

-FESTA DE SAN CAETANO EN REIRADO: 7 de Agosto.

-FESTA DE SANTA MARÍA EN BACOI,  O PEREIRO E REIRADO: 15 de Agosto.

-FESTA DE SAN ROQUE EN CARBALLIDO: 16 de Agosto.

-FESTA DE SAN MAMEDE NAS OIRAS: 17 de Agosto.

-FESTA DE SAN RAMÓN EN ADELÁN: 31 de Agosto

-DÍA DO MARISCAL NO CASTRO DE OURO: Finais do mes de Agosto.

-FESTA DE NOSA SEÑORA EN O PEREIRO: 8 de Setembro.